Cila është rëndësia e jetës studentore? Kjo është pyetja të cilës do i kthejmë përgjigje në këtë artikull.
Jeta studentore vlerësohet si periudha më e rëndësishme pasi ëndrrat dhe dëshirat tuaja për të ardhmen varen nga kjo. Ajo është një periudhë parapërgatitore dhe edukimi. Në këtë periudhë, mendja juaj është si balta me të cilën poçari përpunon gjëra të ndryshme. Ashtu si balta, mendja gjithashtu mund të përpunohet dhe nuk mund të ndryshohet pasi ka marrë formën përfundimtare. Po kështu, pasi karakteri juaj të jetë formuar, ai nuk mund të ndryshohet lehtë.
Nëse i merrni më të mirat jetës studentore, do të jeni të suksesshëm në të ardhmen. Nga ana tjetër, nëse nuk jeni seriozë gjatë kësaj periudhe, mund të keni vështirësi në arritjen e qëllimeve tuaja. Duhet të mendoni seriozisht përpara çdo hapi dhe duhet të mësoni gjëra të reja sa më shumë të jetë e mundur në këtë periudhë.
Studentët janë e ardhmja e një vendi. Është detyra juaj të merrni arsimin e duhur, të ruani karakterin tuaj dhe të jetoni një jetë të denjë shoqërore që do të vlejë për brezat e ardhshëm. Bindja, zelli dhe durimi janë pjesë të rëndësishme të jetës studentore. Duhet të mësoni me këmbëngulje që është dhe rrënja e gjithë suksesit.
Një emërues i përbashkët në të gjitha kampuset universitare është se jeta studentore përfshin të qenit i pavarur dhe do të mësoni se si të funksiononi brenda kornizës së trupit studentor. Më e rëndësishmja, do të mësoni të mendoni në mënyrë të pavarur, pa ndihmën e prindërve ose miqve. Jeta studentore kërkon që secili student të mendojë vetë si individ, pasi mendimet e familjarëve dhe miqve nuk do të ndikojnë në vendimet që ju do të merrni. Gjatë kësaj faze, ju do të njihni më mirë veten dhe do të zhvilloni preferencat dhe prirjet tuaja.
Ju do të kuptoni në këtë periudhë që nuk mund të bëni gjithçka dëshironi dhe përgjegjësi të reja do ju dalin përpara. Shumica prej jush mund të jenë vetëm në fillim, pasi shoqëria e shkollës së mesme është lënë pas. Mund të hani ushqim vetëm, mund të shkoni në klasë vetëm; derisa të gjeni rrethin tuaj shoqëror. Për më tepër, ju do të kuptoni që jeta juaj si student do të sillet më tepër rreth marrjes së mësimeve në sallat e leksioneve. Ju do të mësoni se duhet t’ia dilni vetë, ose të dështoni.
Shumë studentë përjetojnë strese gjatë kësaj periudhe, prandaj është mirë të organizoheni. Krijoni një rutinë ditore, dhe mësoni si ta menaxhoni dhe si t’i përmbaheni asaj. Bëni pjesë të rutinës tuaj dhe ativitete që ju mbajnë të angazhuar në jetën tuaj studentore. Kafenetë nuk janë gjithçka.
Së fundmi, ju do të disiplinoni veten. Do të mësoni të krijoni vetëkontroll gjatë komunikimit me pedagoget dhe do të mësoni t’i dëgjoni ata për të marrë më të mirat e asaj çfarë ju pret pas jetës studentore. Shumë pedagogë do dinë t’ju inkurajojnë dhe motivojnë për të ardhmen tuaj.
Autor: akademi.al